Beiträge

Tgira dil ruver – dis da project dalla 3. superiura

Ils scolars dalla 3. superiura han passentau treis dis egl uaul per tgirar il ruver. Quell‘ impurtonta plonta augmenta la biodiversitat, quei vul dir che fetg biars animals (insects ed utschals) vivan ed ein dependents dal ruver. El dat in suttetg a pli che 400 sorts d’insects.
El territori dil „Plaun dil luf“ ni „Fops“ crescha sin terren dalla vischnaunca da Falera in entir uaul da ruver. Caglias ed autras plontas sco il coller ed il triembel pericliteschan el, oravontut cun prender naven la glisch. Ils scolars han cun agid dil selvicultur Maurus Cavigelli ed il bostger Andreas Coray fatg giu las caglias disturbontas, plantau novs ruvers e fatg seivs da schurmetg.